Erasmus + en Reggio Emilia, Italia

Dentro do plan de formación do profesorado, coordinado polo CFR de Ferrol, e acorde ao cambio de metodoloxía que estamos experimentando na etapa de Educación Infantil, unha mestra do noso centro visitou o centro Internacional Loris Malaguzzi, na cidade de Reggio Emilia en Italia.

Loris Malaguzzi foi un pedagogo que introduciu no ensino a metodología Reggio Emilia, dando o nome ao pobo italiano onde ten a súa orixe, baseada na importancia do mestre como guía e o neno ou nena como protagonista do seu propio proceso de ensino - aprendizaxe. 

Nesta metoloxía ten un valor especial o espazo, pois a organización e o deseño do mesmo fai que se promovan distintos tipos de relacións e fomenten a comunicación. Ademais, o medio natural é un espazo máis das aulas pois é unha gran ferramenta de desenvolvemento e comprensión do mundo que rodea aos máis pequenos.

Sendo o principal obxectivo destas escolas promover a indagación e reflexión dentro dun contexto adecuado e significativo para o neno ou nena.

Recalca a importancia de documentar as experiencias para poder entender mellor a forma de actuar dos máis pequenos, facilitar a avaliación e permitir compartir as experiencias con outros axentes da educación, como poden ser as familias.

A formación tivo lugar no centro Internacional Loris Malaguzzi, onde as dúas pedagogas de Reggio Emilia falaron sobre a metoloxía acompañadas de mestras e atelieristas. Visitamos dúas escolas e participamos en talleres: a alma secreta dunha folla, engranaxes, paisaxes dixitais, punto de vista e Remida " o papel como materia".

Tiveron lugar visitas polo centro onde había varias propostas didácticas con diferentes materiais e posibilidades  "a cultura do atelier".

Estas escolas fuxen das programacións e focalízanse nas proxeccións (documentar, relanzar e interpretar) e por iso, que se fala das 100 linguaxes da metodoloxía Reggio Emilia: linguaxe do debuxo, da música, do movemento, da arcilla, da matemática, científico, da interpretación...

Un dos aspectos máis chamativos desta metodoloxía é a prensenza nas aulas dunha atelerista, persoa formada en arte que participa na vida do centro educativo, levando así as aulas o espíritu ecolóxico do atelier.

 Así pois, ten sentido, o REMIDA, un proxecto cultural sobre sostenibilidade. Promove a cultura do reciclaxe creativo, onde restos de materiales de empresas que teñen taras ou material de desfeito que nunca foi empregado ten un potencial de beleza capaces de estimular a reflexión e ofrecer recursos para a educación.

Neste momento existen máis de 12 REMIDAS en Italia e algúns máis noutros países como Arxentina, Noruega, Alemania...

Velaquí, o REMIDA

E se a experiencia xa de por si é fantástica, todo se multiplica se estás acompañada dun grupo de mestras e mestres do CFR de Ferrol con inquietudes educativas similares e con ganas de cambiar a forma de ensinar.

Unha experiencia moi positiva e enriquecedora!!

Erasmus + en Konya (Turquía).

 Dentro do marco da formación do profesorado e o Erasmus+ organizado polo CFR deFerrol, realizouse da semana do 21 ao 25 de novembro de 2023 unha mobilidade destinada ao profesorado das etapas de infantil, primaria e secundaria e enfocada cara a observación do traballo colaborativo nun centro de Konya, en Turquía.

                                                              Imaxe propia da actividade.

O primeiro día a formación foi de carácter teórico, traballando cos coñecementos previos necesarios para poñer en práctica diferentes estratexias metodolóxicas colaborativas, mentres que a partir do segundo día se combinou a explicación coa práctica, observando directamente como as docentes traballaban coas nenas da escola, pois era un centro exclusivamente feminino.

                                                              Imaxe propia da actividade.

O mércores 23 de novembro acudiuse a un centro que nós poderíamos asociar a un Instituto de Bacharelato, onde tamén se observaron prácticas de ensinanza-aprendizaxe cunha importante base dinámica e activa por parte do alumnado, sendo a docente neste caso unha mera guía do proceso.

                                                              Imaxe propia da actividade.

Por último, o xoves 24 de novembro viaxamos ata a rexión de Capadoccia, coñecida polas súas rechamantes formacións kársticas con impresionantes paisaxes e profundas pegadas históricas. Alí fixemos un itinerario guiado por varias das zonas máis impresionantes e tamén degustamos comida típica e visitamos obradoiros de cerámica e xoias.

             Imaxe propia da actividade.

Realmente nesta viaxe combinouse a aprendizaxe de aspectos docentes, tanto de maneira práctica como teórica, coa experiencia de vivir nunha cidade musulmá, coñecer as súas costumes, gastronomía, prácticas culturais e incluso patrimonio histórico-artístico e inmaterial ou intanxible, como foi acudir a unha sesión de baile dos derviches xiradores. Foi unha semana altamente enriquecedora tanto nos aspectos profesionais como persoais, ao compartir con xente de diferentes lugares e etapas educativas, todas favorables cara a aprendizaxe e vivencia de novas experiencias.

             Imaxe propia da actividade.