Catro dos nosos alumnos e alumnas de 3º e 4º da ESO, xunto coas profes de Francés e Historia, comezarán o mes de maio lonxe do cole. E é que se van á última das mobilidades do proxecto Erasmus, nada máis e nada menos que a Romanía. Na cidade de Craiova volverán coincidir cos compañeiros e compañeiras de Portugal, Finlandia e Turquía.
Ademais... como somos un cole moi viaxeiro tamén o Departamento de Orientación participará en mobilidades Erasmus+ organizadas dende o CFR de Ferrol. Lara, a nosa Orientadora, vai continuar a aprender sobre inclusión en Alemaña, afondando na liña iniciada xa hai varios cursos. Ademais, Mariló, a nosa PT, marchará ata Polonia para coñecer outros xeitos de traballar no ámbito das Ciencias.
Ningún comentario:
Publicar un comentario