VIAXE A BUCAREST

      

     O pasado novembro dúas profesoras comezaron a andaina no proxecto Erasmus + no que participa o noso centro viaxando directamente á capital romanesa. A nosa directora Camino e Laura, a profesora de francés, foron as encargadas de coller o avión para encontrarse por primeira vez cos representantes dos países participantes. 
      Foron tres días intensos que serviron para arrancar o proxecto e coñecer ós nosos compañeiros. E… que escolas participan? 
      - Dende Romanía, preséntase a Escola secundaria Nicolae Romanescu situada na cidade de Craiova, a 184 km de Bucarest e ela mesma preséntase como unha escola que mestura modernidade e valores tradicionais. 
       - O Agrupamento de Escolas de Castro Verde vén representando o noso país veciño, Portugal. Este agrupamento comprende sete escolas que brindan educación preescolar, básica e secundaria. 
      - Por outra banda, a Escola Secundaria Aydinkent participa dende Turquía e foi a encargada de crear o logo do proxecto. 
      - E por último, coñeceremos a escola do país organizador, Finlandia. Joroisten Lukio é unha escola secundaria animada e acolledora que ofrece educación de calidade e unha ampla gama de cursos que inclúen idiomas, emprendemento, medios e robótica. Ademais, son uns expertos en programas europeos. 
          Xa dende o Xestal, o equipo de profesores e de profesoras segue a coordinarse e a traballar para acadar o mellor resultado posible nesta experiencia. Vai ser unha experiencia única!