Este curso non temos parada! Non ben chegou a expedición a Portugal que xa temos que volver facer a maleta para a seguinte mobilidade. Desta volta, o alumnado do Virxe da Cela marcha a Turquía a última semana de febreiro.
Aló volverá coincidir cos países partricipantes no proxecto Let´s Talk Some STEM! (Turquía, Romanía, Finlandia e Portugal).
Desta volta, as actividades propostas polos socios turcos versarán sobre cambio climático polo que o estudantado deberá investigar sobre este fenómeno e as medidas tomadas por distintos países para presentalas, facer unha posta en común e debater sobre elas.
Os cinco afortunados que viaxarán coas profes de Inglés e de Francés son Matías e Antía, de 4º da ESO; Íker, de 3º; e Marcos Areosa e Aarón, de 2º. Serán os encargados de preparar, en Inglés, os seus argumentos para participar nas distintas sesións de debate. Así que... estes días comezarán o traballo duro!!
Ningún comentario:
Publicar un comentario